តើនិយោជិគភាគច្រើននឹងសង្កេតមើលទៅលើជំនាញអ្វីខ្លះរបស់បុគ្គលិក?

តើជំនាញអ្វីខ្លះដែលបុគ្គលិកគ្រប់រូបចាំបាច់ត្រូវតែមាន?

ជាទូទៅនៅក្នុងការជ្រើសរើសបុគ្គលិកនិយោជកភាគច្រើនតែងតែរំពឹងចង់បាននូវជំនាញមួយចំនួនពីបុគ្គលិករបស់ពួកគេ ។ ម្យ៉ាងវិញទៀតក៏ដោយសារតែជំនាញទាំងប៉ុន្មាននេះហើយទើបធ្វើឲ្យបុគ្គលិកទាំងនោះមានភាពលេចធ្លោនិងទទួលបាននូវការចាប់អារម្មណ៍ពីសំណាក់និយោជករបស់ពួកគេដែលជំនាញទាំងនោះមានដូចជា ជំនាញនៅក្នុងការទំនាក់ទំនង( Communication) ការសហការជាក្រុម(Teamwork)  ជំនាញនៅក្នុងការដោះស្រាយបញ្ហា(problem solving) ជាដើម។ នៅក្នុងអត្ថបទនេះយើងនឹងធ្វើនឹងធ្វើការចែករំលែកមួយចំនួនដែលសំខាន់ដែលអ្នកគួរតែមាន ។ 

1 . Communication( ជំនាញនៅក្នុងការទំនាក់ទំនង)

ជំនាញនៅក្នុងការទំនាក់ទំនងគឺជាជំនាញដែលមានភាពចាំបាច់ណាស់មិនថាតែការងារប្រភេទណានោះទេ។ ការទំនាក់ទំនងជាមួយអ្នកដទៃដែលប្រកបទៅដោយប្រសិទ្ធិភាពនឹងជួយឲ្យការងាររបស់អ្នកកាន់តែរលូននិងទទួលបាននូវ

លទ្ធផលខ្ពស់ជាងមុន ។ ជាទូទៅជំនាញនៅក្នុងការទំនាក់ទំនងមានដូចជា ការសរសេរ ការនិយាយ​ ការស្តាប់ និងការចរចាជាដើម​។

២ . Leadership Skills ( ជំនាញនិងភាពជាអ្នកដឹកនាំ) 

ភាពជាអ្នកដឹកនាំក៏ដូចជាជំនាញនៅក្នុងការដឹកនាំគឺជាជំនាញដ៏សំខាន់មួយដែលនិយោជកភាគច្រើនតែងតែរំពឹងចង់បានពីបុគ្គលិកមិនថានៅក្នុងប្រភេទការងារអ្វីនោះទេ ។ ប្រសិនបើអ្នកមានជំនាញនៅក្នុងការដឹកនាំអ្នកប្រាកដជាអាចដឹកនាំក្រុមបានយ៉ាងល្អក៏៏ដូចជាអាចជម្រុញឲ្យអ្នកដទៃបំពេញការងារបានយ៉ាងល្អថែមទៀតផង។ ជាទូទៅជំនាញនៅក្នុងការដឹកនាំមានដូចជា ការស្តាប់ដោយយកចិត្តទុកដាក់(Active listening ) , ភាពដែលអាចទុកចិត្តបាន(dependability) , សម្ថភាពនៅក្នុងការផ្តល់ក៏ដូចជាទទួលយកនូវមតិយោបល់ពីអ្នកដទៃព្រមទាំងមានភាពអត់ធ្មត់ផងដែរ ។ 

៣ . Teamwork Skills ( ជំនាញនៅក្នុងការធ្វើការងារជាក្រុម) 

តាមរយៈការសិក្សាបានបង្ហាញថាក្រុមហ៊ុនជាង ៧០% ព្យាយាមផ្តោតទៅលើការកសាងនិងគាំទ្រក្រុមការងាររបស់ពួកគេពីព្រោះថាក្រុមការងារពិតជាសំខាន់ខ្លាំងណាស់សម្រាប់អង្គភាព។ ប្រសិនបើក្រុមការងារមិនចុះសម្រុងគ្នាទេនោះអង្គភាពប្រាកដជាប្រឈមមុខនឹងបញ្ហាជាក់ជាមិនខាន ។ ការធ្វើការងារជាក្រុមអាចទទួលបាននូវភាពជោគជ័យបានលុះត្រាតែបុគ្គលគ្រប់ៗរូបនៅក្នុងក្រុមចេះសហការគ្នារួចប្រើប្រាស់នូវជំនាញខុសៗគ្នាដែលពួកគេមាននៅក្នុងការសម្រេចនូវគោលរួមតែមួយ។